Դեսպան Աշոտ ՍՄԲԱՏՅԱՆ. «ՀՀ և Վրաստանի միջև առկա բարեկամական հարաբերությունները քաղաքական առումով հասան իրենց գագաթնակետին»

29.07.2025 (Կովկասյան ամսագիր) «Կովկասյան հանդեսը» ուրախ է երկրորդ հարցազրույցի համար ողջունել Վրաստանում  ՀՀ դեսպան Ն.Գ. Աշոտ ՍՄԲԱՏՅԱՆ: Դեսպան Սմբատյանի՝ 2023 թվականի նախորդ հարցազրույցից ի վեր նշանակալի զարգացումներ են տեղի ունեցել Հայաստանում, Հարավային Կովկասում և ամբողջ աշխարհում: Հուսով ենք այս հարցազրույցի ընթացքում քննարկել բոլոր հիմնական թեմաները:

▶ In English:  Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. - Ձերդ գերազանցություն, հաշվի առնելով, որ մենք գտնվում ենք Թբիլիսիում, սկսենք Հայաստանի և Վրաստանի հարաբերություններից: Մեր երկրներն այժմ ունեն Ռազմավարական գործընկերության համաձայնագիր, որը ստորագրվել է մոտ 18 ամիս առաջ։ Այս համաձայնագրի ակնհայտ խորհրդանշական կշռից դուրս, ի՞նչ շոշափելի արդյունքներ են գրանցվել և ի՞նչ ապագա նախաձեռնություններ են մշակվում։ Բացի քաղաքական և տնտեսական հարթություններից, գուցե նաև մեկնաբանեք ռազմական համագործակցությունը, որը նախատեսված է անցյալ տարի ՀՀ և Վրաստանի պաշտպանության նախարարների ստորագրած համագործակցության ծրագրում։

Աշոտ ՍՄԲԱՏՅԱՆ - Այո, Դուք ճիշտ նկատեցիք, որ արդեն 30-ից ավելի տարիներ ՀՀ և Վրաստանի միջև առկա  բարեկամական հարաբերությունները քաղաքական առումով հասան իրենց գագաթնակետին, և 2024թ. հունվարին Թբիլիսիում Հայաստանի Հանրապետության և Վրաստանի վարչապետները ստորագրեցին «Հայաստանի Հանրապետության և Վրաստանի միջև ռազմավարական գործընկերություն հաստատելու մասին» համատեղ հռչակագիրը՝ որակապես նոր մակարդակի բարձրացնելով Հայաստան-Վրաստան հարաբերությունները և հիմք ստեղծելով տարբեր ոլորտներում երկկողմ հարաբերությունների է՛լ ավելի սերտացման համար։ 

Գրեթե բոլոր ոլորտներում տեսանելի է զարգացման աճ, իսկ զբոսաշրջության ոլորտում կարևոր է, որ Վրաստանից ՀՀ ժամանող զբոսաշրջիկների թվաքանակը զգալի աճել է: Առկա է բազմաշերտ իրավապայմանագրային բազա երկու երկրների տարբեր գերատեսչությունների միջև։ 

Միայն վերջին երկու տարիների ընթացքում ստորագրվել են տասից ավելի փաստաթղթեր: Պարբերական բնույթ են կրում  ՀՀ և Վրաստանի  բարձրագույն ղեկավարության և ոլորտային գերատեսչությունների ղեկավարների միջև հանդիպումներն ու շփումները: Երկու երկրների արտաքին գործերի նախարարությունների միջև տեղի են ունենում ամենամյա քաղաքական խորհրդակցություններ: 

Մշակութային ոլորտում հարաբերությունները ակտիվ զարգանում են, որի արդյունքն են նաև երկու երկրներում անցկացվող մշակութային բազմաթիվ միջոցառումները: Այս ամենը անհրաժեշտ քայլեր են, բայց իմ համոզմամբ՝ ՀՀ և Վրաստանի հարաբերությունների զարգացման մեջ առկա է դեռ մեծ ներուժ, ինչի առաջմղման և կյանքի կոչման ուղղությամբ պետք է շարունակենք մեր ջանքերը:

(Տեսանյութ) Դիտեք մեր միջազգային Nordic Talk-ը կրթության վերաբերյալ

26.02.2025 (Caucasian Journal). Անցյալ ամիս Կովկասյան ամսագիրը հյուրընկալեց երրորդ Nordic Talk-ը, որին մասնակցեցին փորձագետներ Հայաստանից, Վրաստանից և սկանդինավյան երկրներից: Միջոցառման վերաբերյալ մանրամասները կարող եք գտնել այստեղ:

Այժմ մենք ուրախ ենք ներկայացնել վերջնական տեսանյութը, որը հասանելի է անգլերեն լեզվով՝ հայերեն և վրացերեն ենթագրերով:

Տեսանյութը բաղկացած է երկու մասից.

🔹 Մաս 1 – Ներառական տարրական կրթություն

🔹 Մաս 2 – Բարձրագույն և մասնագիտական կրթություն

▶ In English:  Անգլերեն բնօրինակն ընթերցեք այստեղ:

Ի՞նչ է Nordic Talk-ը: Սա միջազգային քննարկումների և փոդքասթերի մի շարք է, որն ուղղված է գլոբալ հիմնախնդիրներին և իրականացվում է Սկանդինավյան երկրների նախարարների խորհրդի աջակցությամբ:

Nordic Talk-ի այս թողարկման ընթացքում քննարկեցինք, թե ինչպես կարելի է կիրառել սկանդինավյան գործընկերների հաջողված փորձը կրթության ոլորտում: Սկանդինավյան կրթական մոդելը հայտնի է իր բարձր չափանիշներով և նորարարական մոտեցումներով: Քանի որ Վրաստանն ու Հայաստանը շարունակում են զարգացնել իրենց եվրոպական ինտեգրման ուղին, արևմտյան կրթական մոդելների դերը դառնում է առավել կարևոր։

Քննարկման ընթացքում ներկայացվեցին համագործակցության կոնկրետ նախագծեր, որոնք իրականացվել են սկանդինավյան երկրների, Հայաստանի և Վրաստանի միջև։

Քննարկման տեսագրությունը հասանելի է բնօրինակ տարբերակով, ինչպես նաև հայերեն և վրացերեն ենթագրերով:

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին: 

Լուիջի ՖԱՍՍԻ. Վրացական արվեստի դաշտը մեծ ճանաչում է ձեռք բերում Եվրոպական շրջանակներում

❄ Մեր ընթերցողներին մաղթում ենք տոնական ուրախ տրամադրություն ❄ 

04.01.2025. (Caucasian Journal)  Ժամանակ առ ժամանակ Կովկասյան ամսագիրը լուսաբանում է ժամանակակից արվեստի դաշտը, հատկապես կերպարվեստը: Մեր ուշադրության կենտրոնում մշտապես Հարավային Կովկասի տարածաշրջանն է և նրա կապերը համաշխարհային արվեստի ներկայացուցիչների հետ: Որքանո՞վ են հայտնի վրացի արվեստագետները Եվրոպայում: Արդյո՞ք վրացիների համար առավել դյուրին է դառնում կապ հաստատել եվրոպական լսարանի հետ:

Այսօր մենք ուրախ ենք ողջունել մի շատ յուրահատուկ հյուրի, ով կարող է կիսվել եվրոպացի կուրատորների նախասիրություններով՝ ծանոթ լինելով վերջիններիս տեսակետներին։ Մեր հյուրը Լուիջի ՖԱՍՍԻՆ է, նա տնօրինում է Artissima-ի՝ Իտալիայի ամենամեծ միջազգային ժամանակակից արվեստի տոնավաճառը, որն անցկացվում է Թուրինում 1994 թվականից սկսած: Վերջին Artissima-ն, որը տեղի ունեցավ անցյալ ամիս, ընդգրկում էր նաև Վրաստանի մասնակցությունը:

▶ In English:  Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, Կովկասյան ամսագրի գլխավոր խմբագիր. Բարի գալուստ Կովկասյան ամսագիր: Կարո՞ղ եք ներկայացնել ժամանակակից վրացական արվեստի որոշ օրինակներ, որոնց ծանոթ եք:

Յենս-Հինրիխ ԲԻՆԴԵՐ. «Նոր եվրոպական անդամ պետությունները միանում են ֆինանսական կարգավորման արդի համակարգին» (կարդալ կամ դիտել տեսանյութը)

17.12.2024 (Caucasian Journal). Մեզ համար մեծ պատիվ է ողջունել Յենս-Հինրիխ ԲԻՆԴԵՐԻՆ, ով Գերմանիայի Թյուբինգենի Էբերհարդ Կարլս համալսարանի իրավագիտության պրոֆեսոր է և հանդիսանում է Մասնավոր, Առևտրային և Կորպորատիվ Իրավունքի բաժնի ամբիոնի վարիչ: 

Սա  հազվադեպ հնարավորություն է քննարկելու ԵՄ ինտեգրման կարևոր հայեցակետերը, մասնավորապես՝ եվրոպական ֆինանսական կարգավորումները և դրանց անմիջական նշանակությունը ԵՄ թեկնածու երկրների ընդհանուր բնակչության համար:

▶ In English:  Անգլերեն բնօրինակն ընթերցեք այստեղ:

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին 

Դեսպան Պեր ԷԿԼՈՒՆԴ․ «Քաղաքական մշակույթը պետք է զարգացնել»

14.11.2024 («Կովկասյան ամսագիր»)  Այսօր մենք պատիվ ունենք ողջունելու մեր հատուկ հյուրին՝ դեսպան Պեր ԷԿԼՈՒՆԴԻՆ, ով եղել է ԵՄ նախկին դեսպանը Վրաստանում և այսօր աշխատում է Ստոկհոլմի Անվտանգության և Զարգացման Քաղաքականության ինստիտուտում՝ որպես ավագ գիտաշխատող։ Վերջերս, դեսպան Էկլունդը գլխավորեց 2024թ. Վրաստանի խորհրդարանական ընտրությունների միջազգային դիտորդական պատվիրակությունը։

▶ In English:  Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. Հարգելի պարոն դեսպան, շնորհակալություն, որ ժամանակ գտաք այս հարցազրույցի համար։ Ի տարբերություն միջազգային շատ դիտորդների, որպես նախկին ԵՄ դեսպան Ձեր փորձառնությունն ու տարածաշրջանային գործերին մշտարթուն մասնակցությունը թույլ են տալիս, որպեսզի Վրաստանի մասին սեփական տեսլականն ունենաք։ Ինչպե՞ս կամփոփեիք Ձեր տպավորություններն ընտրությունների և վերջին զարգացումների շուրջ։

Պեր ԷԿԼՈՒՆԴ. Վրաստանը, լինելով ԵՄ թեկնածու երկիր, չի արդարացրել միջազգային հանրության բարձր ակնկալիքները 2024 թ. ընտրությունների հետ կապված։ Հատկապես մտահոգիչ էր նախընտրական շրջանը, որը չի համապատասխանել ժողովրդավարական ընտրությունների հիմնական չափանիշներին։ Եղել են դեպքեր, երբ դիտորդները հաշվի չեն առնվել, ընդունվել են օրենքներ, որոնք չեն համապատասխանել եվրոպական չափանիշներին, հաճախակի բնույթ են կրել նաև ահաբեկումների և սպառնալիքների մասին հեռուստահաղորդումները՝ կապված ընտրողների իրավունքների հետ։ Ընտրական դաշտը հավասար չէր. իշխող կուսակցությունը գերիշխում էր մեդիա ոլորտում, ուներ վարչական ռեսուրսների հասանելիություն և վերահսկում էր վարչարարությունը։

Դեսպան Աշոտ Սմբատյան. «Մեր նախաձեռնությունը Հարավային Կովկասը կվերածի արևելք-արևմուտք, հյուսիս-հարավ խաչմերուկի, ինչպես այն եղել է դարերի ընթացքում»

07.12.2023 (Կովկասյան ամսագիր) Caucasian Journal-ի համար պատիվ է ողջունել Վրաստանում և Հունգարիայում Հայաստանի դեսպան Նորին Գերազանցություն Աշոտ ՍՄԲԱՏՅԱՆԻՆ։

▶ In English:  Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. - Ձերդ գերազանցություն, բարի գալուստ Կովկասյան ամսագիր: Այս հարցազրույցը մեզ համար առանձնահատուկ է, քանի որ մեր ամսագրի նպատակներից մեկն է աջակցել մեր տարածաշրջանի ժողովուրդների միջև առկա դարավոր կապերին, կիսվել ձեռքբերումներով և քննարկել արդի խնդիրների լուծման հնարավորությունները։ Այսպիսով, երբ ես պլանավորում էի այս հարցազրույցի հայեցակարգը, ես ուզում էի առաջարկել քննարկման երկու հիմնական թեմա՝ Լեռնային Ղարաբաղում վերջին զարգացումների հետևանքները և Հայաստան-Վրաստան հարաբերությունները։ Դուք կարող եք ուղղել ինձ՝ ուղղորդելով դեպի այլ թեմաներ, բայց թույլ տվեք սկսել՝ կարեկցանք հայտնելով ավելի քան 100,000 հայերին, որոնք ստիպված եղան լքել Արցախը (Լեռնային Ղարաբաղը), և այս պահին շատ հեռու են իրենց հայրենիքից: Ինչպե՞ս կմեկնաբանեք սա՝ և՛ որպես դիվանագետ, և՛ որպես մարդ:

Աշոտ ՍՄԲԱՏՅԱՆ - Նախ թույլ տվեք շնորհակալություն հայտնել այս հնարավորության համար։ Արդեն մեկ տարի է, ինչ նշանակվել եմ Վրաստանում Հայաստանի Հանրապետության դեսպան, և կարծում եմ, որ սա լավ հնարավորություն է ամփոփելու այն առաջընթացը, որն ունեցել ենք այս տարվա ընթացքում։

Կցանկանայի նաև շնորհակալություն հայտնել Լեռնային Ղարաբաղի բնակչության հետ տեղի ունեցած ողբերգության կապակցությամբ ձեր աջակցության խոսքերի համար, կարևոր է լսել այս խոսքերը մեր բարեկամ Վրաստանում։ Իսկապես, Ադրբեջանի կողմից Լեռնային Ղարաբաղի բնակչության դեմ սանձազերված ագրեսիան, որին հաջորդեց Լեռնային Ղարաբաղի ամբողջ էթնիկ բնակչության բռնի տեղահանությունը, ոչ այլ ինչ էր, քան էթնիկ զտում, որը պետք է խստորեն դատապարտվեր միջազգային հանրության կողմից։ Ցավոք, մենք ականատեսը եղանք թե ինչպես է 100 հազար մարդ Ադրբեջանի կողմից բռնի տեղահանվում իր հայրենիքից։

Մոնսինյոր Ժոզե Ավելինու ԲԵՏԱՆԿՈՒՐ. «Երկու հազարամյակի բարեկամություն ենք կիսում»:

20.05.2023 (Կովկասյան ամսագիր) Caucasian Journal-ի համար այսօր մեծ պատիվ է ողջունել Հայաստանում և Վրաստանում Առաքելական Նվիրակ (Վատիկանի դեսպան) Նորին Գերազանցություն Ամենապատիվ Մոնսինյոր Ժոզե Ավելինու ԲԵՏԱՆԿՈՒՐԻՆ:

▶ In English:  Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. - Ձերդ Գերազանցություն, բարի գալուստ Caucasian Journal և շնորհակալություն ընձեռած հնարավորության համար: Դուք արդեն տևական ժամանակ է՝ աշխատում եք Թբիլիսիում, և Ձեր դեսպանատունը գործում է թե՛ Հայաստանի և թե՛ Վրաստանի համար։ Բացի այդ, դուք նաև Վրաստանի դիվանագիտական ներկայացուցչության ղեկավարն եք։ Սա պատասխանատվության հսկայական բեռ է: Առաջին հարցս է․ ինչպիսի՞ն է Ձեր վերաբերմունքը այս աշխատանքի հանդեպ: Արդյոք Կովկասում հաճախակի ճանապարհորդելու անհրաժեշտություն ունե՞ք, և ինչպիսի՞ն է Ձեր տպավորությունը մեր տարածաշրջանից:

Ժոզե Ա. ԲԵՏԱՆԿՈՒՐ.- Շնորհակալություն հարցազրույցի հրավերի համար: Հուսով եմ շարունակել Հարավային Կովկասում եմ իմ նախորդների թողած ամուր հիմքի վրա, նաև ծանոթանալու արդի իրողություններին:

(տեսանյութ) Դիտեք առաջին «Սկանդինավյան Զրույցը» թափոնների կառավարման վերաբերյալ

22.09.2022 (Կովկասյան ամսագիր). Սա Սկանդինավյան Զրույցի ամփոփումն է, որին մասնակցում էին փորձագետներ Հայաստանից, Վրաստանից, Նորվեգիայից, Շվեդիայից. «Ինչպե՞ս առավելագույնի հասցնել սկանդինավյան փորձի ազդեցությունը թափոնների կառավարման գործում: Վրաստանի և Հայաստանի հետ սկանդինավյան համագործակցության օրինակ»:

Սա Հայաստանի մասնակցությամբ առաջին սկանդինավյան բանակցությունն է:

Ե՛վ Վրաստանը, և՛ Հայաստանը համագործակցել են սկանդինավյան երկրների հետ, այդ թվում նաև թափոնների կառավարման ոլորտում։ Սկանդինավյան Զրույցի այս նիստը կենտրոնանում է նրա վրա, թե ինչպես կարելի է օգուտ քաղել սկանդինավյան գործընկերների փորձից, զարկ է տալիս ժողովրդական նախաձեռնություններին այս ոլորտում, ինչպես նաև կենտրոնանում նրա վրա, թե ինչ ունեն կառավարությունները կամ ինչ կարող են սովորել քաղաքացիական հասարակությունից:

2021 թվականին Կովկասյան ամսագիրը կազմակերպեց առաջին Սկանդինավյան Զրույցը Հարավային Կովկասում՝ կենտրոնանալով հիդրոէներգետիկ էներգիայի և կրթության վրա (հղում):

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին:  

Սվարովսկի հիմնադրամի դրամաշնորհային ծրագիրը ողջունում է արվեստի, դիզայնի, ճարտարագիտության ոլորտում ստեղծագործողների դիմումները

23.07.2022 (Կովկասյան ամսագիր). Սվարովսկի հիմնադրամը հայտարարում է դիմումների ընդունելություն «Ստեղծագործողներ մեր ապագայի համար» ծրագրի շրջանակներում բոլոր այն երիտասարդների համար ամբողջ աշխարհում (21-30 տարեկան), ովքեր աշխատում են այնպիսի ոլորտներում, ինչպիսիք են նորաձևությունը, դիզայնը, արվեստը, ճարտարապետությունը, տեխնոլոգիան և ճարտարագիտությունը՝ առանց ստեղծագործական միջոցների սահմանափակման: ⠀

«Ստեղծագործողներ մեր ապագայի համար»  ծրագիրը գլոբալ մենթորության և դրամաշնորհային ծրագիր է, որը մշակվել է ՄԱԿ-ի Գործընկերությունների Գրասենյակի խորհրդատուի հետ միասին՝ կայունության ոլորտում ստեղծագործող առաջնորդների հաջորդ սերունդը բացահայտելու և առաջ մղելու նպատակով: Հաջողակ դիմորդները պետք է մեծ հետաքրքրություն ունենան, ցուցադրելու կարողություն, ինչպես նաև օրինակելի ներուժ՝ օգտագործելու ստեղծագործական գործընթացը՝ բարձրացնելու իրազեկությունը, տեխնոլոգիաները և լուծումները կայուն զարգացման համար:

Սվարովսկի հիմնադրամը ողջունում է բոլոր անձանց դիմումները անկախ ծագումից, սեռական կողմնորոշումից, ազգությունից, կրոնից և համոզմունքներից:

Դիմում ներկայացնելու համար պայմանները հետևյալն են. դուք պետք է լինեք 21-30 տարեկան հայտ ներկայացնելու պահին և մինչև հայտերի ընդունման վերջնաժամկետը: Դիմումների ներկայացման հղումը՝այստեղ:

Դիմումների ընդունման վերջնաժամկետն է 2022 թվականի օգոստոսի 8-ը (23:59 GMT): Հայտերի ընդունման վերջնաժամկետից հետո հաջողակ ստեղծագործական խումբը կտեղեկացվի և հրապարակայնորեն կհայտարարվի 2022 թվականի սեպտեմբերին:

Սիիմ ՍԻԿԿՈՒՏ. «Ավելի շատ էլեկտրոնային ռեզիդենտներ են մեզ միանում, քան երեխաներ են ծնվում մեր երկրում» (կարդալ կամ դիտել տեսանյութը)

12.05.2022 (Caucasian Journal). Մեր այսօրվա հյուրն  է էստոնական  հայտնի  e-Residency ծրագրի համահիմնադիր և Էստոնիայի կառավարության տեղեկատվական բաժնի նախկին գլխավոր տնօրեն Սիիմ  ՍԻԿԿՈՒՏԸ : Նա համարվում է «e-Estonia»-ի նախաձեռնողներից մեկը, փաստացիորեն ամենաառաջադեմ թվային երկրներից մեկում: Ստորև կարող եք դիտել հարցազրույցը կամ ընթերցել տեքստային տարբերակը։

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին: 

Հարցազրույցի տեքստային տարբերակը ներկայացնում ենք ստորև։   Read the English language version here. 

Սիիմ ՍԻԿԿՈՒՏ. «Ավելի շատ էլեկտրոնային ռեզիդենտներ են մեզ միանում, քան երեխաներ են ծնվում մեր երկրում»

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր.  Ողջույն և բարի գալուստ Կովկասյան ամսագրի տեսահարցազրույցների բաժին: Մեր այսօրվա հյուրն է էստոնական հայտնի e-Residency ծրագրի համահիմնադիր և Էստոնիայի կառավարության տեղեկատվական բաժնի նախկին գլխավոր տնօրեն Սիիմ ՍԻԿԿՈՒՏԸ : Նա համարվում է «e-Estonia»-ի նախաձեռնողներից մեկը, փաստացիորեն ամենաառաջադեմ թվային երկրներից մեկում:

Տեսանյութ. Թարմո ՅՈՒՐԻՍՏՈ՝ «SALK»-ի հիմնադիր. «Էստոնիան վիճակախաղի հաղթող է»

14.04.2022 (Caucasian Journal). Մեր այսօրվա հյուրն է Էստոնիայի քաղաքացիական հասարակության ակտիվիստ և գաղափարային առաջնորդ, «SALK» նոր ​​քաղաքացիական հարթակի հիմնադիր՝ Թարմո ՅՈԻՐԻՍՏՈՆ: Քննարկումը կարող եք դիտել  ստորև բերված տեսանյութում` հայերեն ենթագրերով։

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին 

Պիրետ ՀԻՐՎ. «Իմ ամենօրյա խնդիրն է ստեղծել նոր հնարավորություններ առողջապահության և խնամքի ոլորտի նորարարությունների համար»

21.03.2022 («Կովկասյան ամսագիր»)  Առողջությունն ու տեխնոլոգիաները մեր այսօրվա զրույցի կիզակետում են, քանի որ աշխարհում դեռևս շատ մարդկանց համար այս ուղղությունները շարունակում են հիմնախնդրային մնալ: Սա համավարակի անխուսափելի հետևանքներից մեկն է նաև, որը, ցավոք, դեռ ավարտված չէ:

Ի՞նչ են իրենցից ենթադրում առողջապահական ստարտափները, և ինչպե՞ս կարող են դրանք օգնել մեզ: Ինչպե՞ս պետք է պետությունն աջակցի դրանց գործունեությանը: Այսոր, Էստոնիան համարվում է ամենաառաջադեմ թվային և աշխարհի առաջատար երկրներից մեկը՝ հաջողակ ստարտափների առումով, ուստի մենք հրավիրել ենք Տալլինի Թեհնոպոլի Գիտական ​​Պարկի Առողջապահական Տեխնոլոգիաների Բաժնի ղեկավար և Կապակցված Առողջության Կլաստերի մենեջեր տիկին Պիրետ ՀԻՐՎԻՆ՝ իր պատասխաններն ու մեկնաբանությունները մեզ հետ կիսելու համար:  

▶ In English: Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. Ողջույն և բարի գալուստ Կովկասյան ամսագիր: Նախ և առաջ կարո՞ղ եմ ձեզ խնդրել ներկայացնել ձեր կազմակերպությունը և ինչպիսի՞ն է ձեր ներգրավվածությունը:

Պիրետ  ՀԻՐՎ - Կապակցված Առողջության Կլաստերը, որը գլխավորում է Թեհնոպոլի Գիտության և Բիզնեսի Պարկը, հարթակ է առողջապահական տեխնոլոգիական լուծումների համատեղ ստեղծման և շուկայում դրանց տեղաբաշխման համար: Կլաստերը միավորում է սկսնակ ընկերությունների, առողջապահական ՏՏ ընկերությունների, դեղագործական ընկերությունների, առողջապահական ծառայություններ մատուցողների, համալսարանների, քաղաքացիների, բուժառուների և այլ խմբերի, ինչպես նաև պետական ​​մարմինների՝ առողջապահության և խնամքի ծառայությունների մատուցմանը նոր ազդակ հաղորդելու, դրանք արդիականացնելու  համար՝  ինչպես Էստոնիայում, այնպես էլ նրա  սահմաններից դուրս:

Տեսանյութ. Քրիստինա ՄԱՆԴԸ և Քրիստինա ՌԵՅՆՍԱԼՈՒՆ Էլեկտրոնային Կառավարման Ակադեմիայից քննարկում են էլեկտրոնային ժողովրդավարությունը

15.02.2022 (Caucasian Journal). Մեր այսօրվա հյուրերն են Էստոնիայի Էլեկտրոնային Կառավարման Ակադեմիայից  էլեկտրոնային ժողովրդավարության ավագ փորձագետ Քրիստինա ՄԱՆԴԸ  և ծրագրի տնօրեն,  դոկտոր Քրիստինա ՌԵՅՆՍԱԼՈՒՆ:  Քննարկումը կարող եք դիտել  ստորև բերված տեսանյութում` հայերեն ենթագրերով։

Մեր բոլոր բացառիկ տեսահարցազրույցները առաջինը դիտելու համար խնդրում ենք բաժանորդագրվել այստեղ մեր YouTube ալիքին 

Դեսպան Գերտ ԱՆՑՈՒ. «Մենք պարզապես չենք կարող մեզ թույլ տալ կորցնել հետաքրքրությունը Արևելյան հարևանների հանդեպ»

19.01.2022 («Կովկասյան ամսագիր»). Այս ամսվա սկզբին ԵՄ անդամ երկրների և Արևելյան Գործընկերության (ԱլԳ) առաջնորդները հանդիպեցին Բրյուսելում կայացած Արևելյան Գործընկերության գագաթնաժողովում, որը չորս տարվա ընթացքում առաջին ԱլԳ գագաթնաժողովն էր: Արևելյան Գործընկերությունը (ԱլԳ) համատեղ քաղաքական նախաձեռնություն է, որը ձևավորվել է 2009 թվականին՝ ամրապնդելու ԵՄ և նրա արևելյան վեց հարևանների՝ Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի միջև հարաբերությունները: 

Այս կարևոր իրադարձության արդյունքներն ավելի լավ հասկանալու համար  «Կովկասյան ամսագիրը»  Արևելյան Գործընկերության գծով արտգործնախարարության հատուկ պատվիրակ, դեսպան Գերտ ԱՆՑՈՒԻՆ խնդրել է մեկնաբանել ԱլԳ ապագան, ինչպես նաև ԵՄ և Հարավային Կովկասի երկրների հարաբերությունները: Սա Գերտ Անցուի և «Կովկասյան ամսագրի» թվով երկրորդ հարցազրույցն է. նախորդը կարող  եք ընթերցել այստեղ:

▶ In English: Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր. Եվրոպայում և, մասնավորապես մեր տարածաշրջանում շատերն անհամբեր սպասում էին ԱլԳ գագաթնաժողովին: Այժմ արդեն ծանոթ ենք պաշտոնական հայտարարություններին, ինչպես նաև որոշ փորձագետների տեսակետներին, այդուհանդերձ կարևոր ենք համարում Գործընկերությանն առավել մոտ կանգնած անձի՝ քաջատեղյակ, չեզոք և պրոֆեսիոնալ մեկնաբանությունները: Ունե՞ք, արդյոք շատ (կամ քիչ) սպասելիքներ ԱլԳ վերջին գագաթնաժողովից: Կա՞ որևէ բան, որն անակնկալի բերեց Ձեզ, այլ կերպ ասած՝ սպասվածից շատ ավելի տարբերվեց։

Գ.Ա.- Ես կասեի, որ ակնկալիքները բավական շատ էին. չէ՞ որ չորս տարի շարունակ գագաթնաժողով չէր եղել, և ղեկավարների կամ պետությունների մակարդակով հանդիպումն արդեն իսկ դրական քաղաքական ազդակ էր: Ասեմ ավելին՝ բավական ժամանակ կար  ի մի բերելու և քննարկելու Արևելյան Գործընկերության ապագա նպատակներն ու կառուցվածքը՝ առնվազն ԵՄ անդամ երկրների միջև: Եթե նույնիսկ Գործընկերությունում արմատական փոփոխություն չիրականացվեր, ԵՄ գործընկեր երկրների ինտեգրման կայուն շարունակությունն արդեն իսկ արժանի նպատակ էր, և ես մեծ հույս ունեի, որ համատեղ հռչակագրի ձևակերպման շուրջ հնարավոր ցանկացած բանավեճ չէր խանգարի իրական ինտեգրման գործընթացին։ Դժվար բանակցություններ էին ընթանում  ԵՄ անդամ երկրների, ինչպես նաև ԵՄ և գործընկեր երկրների միջև, բայց ես ուրախ եմ, որ աշխարհաքաղաքական բարձր լարվածության պայմաններում ամեն ինչ լավ ավարտ ունեցավ, մենք համաձայնություն ձեռք բերեցինք համատեղ հռչակագրի շուրջ, և 2022թ. արդեն կարող ենք  գործարկել քաղաքականության նոր ուղղությունները։

Քերոլայն ֆոն ՓՈՍՏ. «Ինչու՞ ենք մենք մեր փոքրիկներին բրենդային նոր հագուստ հագցնում, որն իրականում մեծ քանակությամբ քիմիական նյութեր է պարունակում»:

 Photo: Rosie Alm

06.12.2021 («Կովկասյան ամսագիր») Արդյո՞ք, «100% բամբակ» պիտականշանը հաստատապես վկայում է այն մասին, որ հագուստը (կամ սպիտակեղենը, սրբիչները և այլն) անվտանգ է օգտագործման համար: Արդյո՞ք, օգտագործված հագուստն առավել նպատահարմար է մանկահասակ երեխայի համար: Ինչպե՞ս կարող է բիզնեսն օգտագործել թափոնները՝ բարձրորակ արտադրանք ստանալու և հավելյալ շահույթ ունենալու համար: Ինչո՞ւ է այս մոտեցումն արդիական հյուրանոցների համար: Վերամշակման գործընթացում ի՞նչն է համարվում էթիկական:

Այս ու թեման ընդգրկող այլ հարցեր մենք պատրաստել ենք մեր հյուրին՝ կենսաբան, շրջանաձև տնտեսության խորհրդատու և “Stormie Poodle” հայտնի ընկերության ղեկավար՝ Քերոլայն ֆոն ՓՈՍՏԻՆ (Շվեդիա) հղելու համար։

▶ In English: Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, «Կովկասյան ամսագրի» գլխավոր խմբագիր.  Հարգելի Քերոլայն, բարի գալուստ «Կովկասյան ամսագիր», ընդունեք ջերմ ողջույններ Վրաստանից, Հարավային Կովկասից: Այս տարածաշրջանը հայտնի է իր գեղեցիկ բնաշխարհով, հարուստ պատմությամբ ու բացառիկ հյուրընկալությամբ, և զարմանալի չէ, որ զբոսաշրջությունը համարվում է նրա հիմնասյուներից մեկը: Ուստի ինչպես կռահեցիք, ես պատրաստվում եմ խոսել հյուրանոցների մասին: Ճի՞շտ է, արդյոք, որ տիրապետում եք «կախարդական» այն հնարքին, որի կիրառումն էկոլոգիապես մաքուր է դարձնում հյուրանոցները,  նվազեցնում թափոնների քանակն ու բիզնեսն առավել շահութաբեր դարձնում:

Քերոլայն ֆոն ՓՈՍՏ. Այո, իհարկե, ես կարող եմ օգտակար լինել այս հարցում: Հյուրանոց վարելը միանշանակ բարդ գործընթաց է և իրականում լուրջ մոտեցում է պահանջում: Բրենդի մատուցումը, ճիշտ անձնակազմի ընտրությունը, որի նպաստավոր գործունեությունը կարող է առաջընթաց ապահովել, ինչպես նաև արտակարգ սննդակարգն ու ուտեստները, սենյակների կահավորանքը և այլ հարցեր… խորհելու տեղիք են տալիս: Նախքան “Stormie Poodle”-ի հիմնադրումը ես օգնել եմ հյուրանոցներին դառնալ էկոլոգիապես ավելի մաքուր, իսկ այժմ իմ բիզնեսը կենտրոնացած է հյուրանոցներում օգտագործվող տեքստիլ արտադրանքի վրա: Ինչպես նշեցիք, այդ տեքստիլ արտադրանքի վերամշակմամբ մենք նվազեցնում ենք թափոնների քանակը, օգնում դառնալ  էկոլոգիապես ավելի մաքուր ու հավելում տվյալ հյորանոցի շահույթը:

Դեսպան Կիրստի ՆԱՐԻՆԵՆ. «Ֆինլանդիան կառուցողական և ճկուն գործընկեր է, խաղաղությանը նպաստող միջազգային դերակատար»

25.11.2021 («Կովկասյան ամսագիր») Վրաց ժողովրդի մեծամասնությունը ձգտում է լիովին անդամագրվել եվրոպական ազգերի ընտանիքին, բայց ինչպե՞ս է այս գործընթացը դիտվում Եվրոպայի կողմից: Այս և այլ հարցեր այսօր քննարկելու ենք Հարավային Կովկասում Ֆինլանդիայի նորանշանակ շրջիկ դեսպանի՝ Նորին Գերազանցություն Կիրստի ՆԱՐԻՆԵՆԻ հետ:

▶ In English: Անգլերեն բնօրինակն ընթերցեք այստեղ:

Ալեքսանդր ԿԱՖՖԿԱ, ԿԱ գլխավոր խմբագիր. Հարգելի Կիրստի, բարի գալուստ Կովկաս և «Կովկասյան ամսագիր»: Չնայած ընդամենը մի քանի շաբաթ է, ինչ պաշտոնապես ստանձնել եք ձեր լիազորությունները Վրաստանում, դուք արդեն իսկ երկար ժամանակ ներգրավված եք Հարավային Կովկասի հետ կապված հարցերում՝ որպես շրջիկ դեսպան: Իսկ ահա վերջերս վերադարձաք Ռուսթավիից, որտեղ դիտորդական առաքելությամբ հանդես եկաք տեղական ինքնակառավարման ընտրություններում: Հետևաբար, քննարկելու շատ բան ունենք։ Բայց նախևառաջ եկեք բացատրենք մեր ընթերցողներին, թե  ի՞նչ է նշանակում շրջիկ դեսպան լինել:

Կիրստի ՆԱՐԻՆԵՆ. Նախևառաջ կցանկանայի շնորհակալություն հայտնել «Կովկասյան ամսագրին» և ձեզ, Ալեքսանդր, սկանդինավյան-բալթյան թեմաները ձեր օրակարգում ներառելու համար: Սկանդինավյան-Բալթյան երկրներն ունեն ուժեղ հասարակություններ, նույնիսկ ավելի ուժեղ են քաղաքացիական հասարակությունները, որոնք ակտիվորեն մասնակցում են բազմաթիվ հասարակական գործընթացների, որոնց մասին դուք խոսեցիք: Այդ թեմաները կարող են հիանալի օրինակ ծառայել եվրոպական այլ փոքր երկրների համար՝ ինչպես Եվրամիության ներսում, այնպես էլ նրա սահմաններից դուրս: Պատիվ եմ համարում շարունակել ձեր նշած հաջորդականությունը և այս թեմայով զրուցել ձեզ հետ: